Karakter_ Yngvi
Hver yfirhöfn er einstök og kemur einungis í einu eintaki. Yngvar eru saumaðir úr áður elskuðum textíl, þar sem ýmsum efnum er blandað saman. Yngvarnir endast vel, þeir eru tímalausir í útliti og fyrir öll kyn.
Það er gaman að segja frá því að mestu gæðaefnin í Yngvunum mínum, koma frá vefnaðarversluninni Horninu.
Hornið var búðin sem ég fór í með mömmu þegar ég var lítil, Verslunin var á Kársnesbraut, í bílskúr, áföstum íbúðarhúsi og þar var Hulda við stjórn.
Verslunin lokaði í kringum 1990 vegna veikinda Huldu, hún lést 1994 og bílskúrnum læst með efnalagernum óhreyfðum.
Þegar við fjölskyldan fluttum í draumahúsið árið 2014, kom í ljós að það var við hliðina á gömlu versluninni – og ástvinir Huldu voru að selja gamla, gamla lagerinn frá Horninu.
Ég auðvitað stökk yfir grjóthleðsluna milli lóðanna og keypti nánast öll bestu og fallegustu efnin.
Ég elska að blanda saman efnum og í hverjum Karakter eru efni héðan og þaðan; ull frá englandi, prjón frá Akureyri, silki frá Kína og þar fram efnir götunum. Efnin eiga það sameiginlegt að vera hlaðin gæðum og því ber að meðhöndla sinn Karakter með hliðsjón af því.
Ég mæli með viðrun og ef þörf krefur, að leggja í bleyti í kalt/volgt vatn.
Yngvarnir eru allir í yfirstærð og henta öllum sem þora.
Yngvarnir koma í nokkrum sniðum og það bætast ný snið í hópinn af og til. Þú ættir því að geta fundið Karakter sem hentar þér.
Hver Yngvi kostar 38.000kr
Saumahornið hefur ekki fasta opnunartíma en það er velkomið að hafa samband ef þú vilt koma, skoða og máta.
Ég er yfirleitt við mánudaga, miðvikudaga og laugardaga, eftir hádegi.
Best er að senda mér skilaboð á Messenger eða WhatsApp – eða senda mér línu á sigga@saumaheimursiggu.is
Yngvi_1
Yngvi_1 er bjartur og litaglaður, settur saman úr prjónaefni, þrenns konar ullarefnum, buxna-eða pilsefni og gardínuefni – eitt þeirra er afgangur af efni sem sett var á svefnsófann sem ég svaf á. Þú kannski kannast við efnið – efnin eru öll yfir 20 ára gömul 😉
Mundu númerið fyrir pöntunina í greiðslugáttinni.
Yngvi_2
Yngvi_2 er settur saman úr hálfsaumuðu skotapilsi frá mömmu vinkonu minnar, silki frá Kína og yndislegum ullarblönduðum efnum frá vefnaðarversluninni Hornið.
– efnin eru öll yfir 20 ára gömul 😉
Mundu númerið fyrir pöntunina í greiðslugáttinni.
Yngvi_3
Yngvi_3 er settur saman úr, mismunandi efnum frá Horninu hennar Huldu; ullarefni, prjónaefni og gardínuefni. Að auki er Yngvi_3 með vasa úr flaueli og bakstykki úr gardínuefni – afgangur frá stofugardínunum hennar tengdamömmu.
– efnin eru öll yfir 20 ára gömul 😉
Mundu númerið fyrir pöntunina í greiðslugáttinni.
Yngvi_4
Yngvi_4 er allur úr efnum frá Huldu í Horninu, nema gyllti kanturinn – hann fylgdi með í kassa frá mömmu vinkonu minnar. Efnin eru ullarblöndur, gardínuefni og vasarnir úr bómullarprjónaefni.
– efnin eru öll yfir 20 ára gömul 😉
Mundu númerið fyrir pöntunina í greiðslugáttinni.
Yngvi_5
Yngvi_5 er með axlarstykki úr afgangsefni frá stofugardínunum sem tengdamamma saumaði fyrir…tjah, ég kom fyrst á heimilið þeirra 1986 og þá voru gardínurnar uppi. Að öðru leyti má sjá þarna ullarefni og grænt gardínuefni frá Horninu hennar Huldu en líka röndótt flauelsefni, en mamma vinkonu minnar var byrjuð á buxum…Hlýtt og gott, gamalt flísefni heldur svo hálsinum hlýjum.
– efnin eru öll yfir 20 ára gömul 😉
Mundu númerið fyrir pöntunina í greiðslugáttinni.
Yngvi_6
Fljótt á litið mætti halda að Yngvi_5 og Yngvi_6 væru eins
-en það eru þeir ekki. Sama hlýja flísefnið umvefur hálsinn og gardínuefnið frá tengdó á öxlunum – en svo má glöggt sjá önnur efni, td. efni úr gamla kórkjólnum mínum í vösunum.
– efnin eru öll yfir 20 ára gömul 😉
Mundu númerið fyrir pöntunina í greiðslugáttinni.
Yngvi_7
Bjartur og fallegur Yngvi_7, settur saman úr gardínuefninu góða frá tengdó, ullarblöndum frá Horninu hennar Huldu, dásamlegu flaueli og kanturinn að framan úr gardínum sem mér var gefið þegar verið var að ganga frá dánarbúi.
– efnin eru öll yfir 20 ára gömul 😉
Mundu númerið fyrir pöntunina í greiðslugáttinni.
