Verslun
Langur draumur orðinn að veruleika, Saumaheimur Siggu hefur opnað vefverslun.
Karakter
Saumaheimur Siggu býður upp á einstakar flíkur sem allar eiga sinn uppruna í áður elskuðum fatnaði og textíl. Hver einasta flík kemur í einu eintaki og henta öllum Karakterum sem þora.
Þegar þinn Karakter hefur lokið sínu lífi, getur þú komið með hann til mín og ég kem honum áfram í hringrásarkerfinu. Það getur verið í samráði við þig, td. ef þú vilt nýja flík úr efniviðnum – eða þú skilar honum og ég finn efniviðnum ný verkefni.
Saumahornið hefur ekki fasta opnunartíma en það er velkomið að hafa samband ef þú vilt koma, skoða og máta.
Ég er yfirleitt við þriðjudaga, fimmtudaga og laugardaga, eftir hádegi.
Best er að senda mér skilaboð á Messenger eða WhatsApp – eða senda mér línu á sigga@saumaheimursiggu.is
Hvaðan koma efnin?
Efniviðurinn sem ég nota í alla mína Karaktera, hvaða flík sem það er, kemur héðan og þaðan. Uppáhaldið mitt eru efnin sem ég keypti á brunasölu Hornsins, en það var verslun sem lokaði 1990. Mér þykir óskaplega vænt um textíll sem mér hefur verið gefinn, oft frá dánarbúum – og síðast en ekki síst, textílúrgangur sem ég keypti frá Rauða Krossinum. Mér hefur fundist gott að geta sent Guðbjörgu í Fataflokkuninni línu og fengið að kaupa úrganginn hjá þeim – sem sagt fatnað sem ekki er hægt að koma áfram í hringrásarkerfinu í því formi sem hann er. Þá klippi ég frá það sem er ónýtt af flíkinni og skapa eitthvað nýtt úr henni.
Nú hefur Sorpa tekið við fataflokkuninni, það kemur í ljós seinna hvort ég kaupi þar því ég er með troðfullt Saumahorn af dásamlegum efnivið – og þarf ekkert meira í bili.